WhatsApp Meta: ಬಲವಂತ ಮಾಡಿದರೆ ಭಾರತ ಬಿಟ್ಟು ಹೋಗುತ್ತೇವೆ : ಸರ್ಕಾರದ ವಿರುದ್ಧ ಗುಟುರು ಹಾಕಿದ ವಾಟ್ಸಾಪ್ ಸಂಸ್ಥೆ

WhatsApp Meta: ಹೊಸ ಐಟಿ ನಿಯಮಗಳು-2021 ರ ವಿವಿಧ ಸೆಕ್ಷನ್‌ಗಳನ್ನು ಪ್ರಶ್ನಿಸಿ ವಾಟ್ಸಾಪ್ ಮತ್ತು ಫೇಸ್‌ಬುಕ್ (ಈಗ ಮೆಟಾ) ಕಂಪನಿಗಳು ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾಯಾಲಯ ಇತ್ತೀಚೆಗೆ ವಿಚಾರಣೆ ನಡೆಸಿತು. ಹಂಗಾಮಿ ಮುಖ್ಯ ನ್ಯಾಯಮೂರ್ತಿ ಮನಮೋಹನ್ ಮತ್ತು ನ್ಯಾಯಮೂರ್ತಿ ಮಲ್ಮೀತ್ ಪ್ರೀತ್ ಸಿಂಗ್ ಅರೋರಾ ಅವರ ಪೀಠದ ಮುಂದೆ ಹಿರಿಯ ವಕೀಲ ತೇಜಸ್ ಕರಿಯಾ ವಾಟ್ಸಾಪ್ ಪರವಾಗಿ ವಾದವನ್ನು ಆಲಿಸಿದರು. WhatsApp ನಲ್ಲಿ ಸಂದೇಶಗಳ ಸುರಕ್ಷತೆಗಾಗಿ ನಾವು ಎಂಡ್-ಟು-ಎಂಡ್ ಎನ್‌ಕ್ರಿಪ್ಸನ್ ಅನ್ನು ಅಳವಡಿಸಿಕೊಳ್ಳುತ್ತಿದ್ದೇವೆ.

ಇದನ್ನೂ ಓದಿ:  Science Facts: ಈ ಆಕಾರದ ಮುಖ ಇದ್ದವರಿಗೆ ಅಹಂ ಇರೋದೇ ಇಲ್ವಂತೆ! ಇಲ್ಲಿದೆ ಸೈನ್ಸ್ ಫ್ಯಾಕ್ಟ್

ಸಂದೇಶವನ್ನು ಕಳುಹಿಸುವವರು ಮತ್ತು ಸ್ವೀಕರಿಸುವವರು ಮಾತ್ರ ಅದನ್ನು ಓದಬಹುದು. ಆದರೆ ಹೊಸ ನಿಯಮಗಳ ಪ್ರಕಾರ, ಈಗ ಆ ಗೂಢಲಿಪೀಕರಣ ವ್ಯವಸ್ಥೆಯನ್ನು ಮುರಿಯಬೇಕಾಗಿದೆ. ಹಾಗೆ ಮಾಡಲು ಹೇಳಿದರೆ ನಾವು ಭಾರತದಿಂದ ಹಿಂದೆ ಸರಿಯುತ್ತೇವೆ' ಎಂದು ವಾಟ್ಸಾಪ್ ಸಂಸ್ಥೆ ಪರ ವಕೀಲರು ವಾದ ಮಾಡಿಸಿದ್ದಾರೆ.

ಇದನ್ನೂ ಓದಿ:  Supreme Court Dowry Case: ಗಂಡಸರೇ ಎಚ್ಚರಿಕೆ : ನಿಮ್ಮ ಹೆಂಡತಿಯ ವರದಕ್ಷಿಣೆ ಹಣದಲ್ಲಿ ನಿಮಗೆ ಯಾವುದೇ ಹಕ್ಕಿರುವುದಿಲ್ಲ : ಸುಪ್ರೀಂ ಕೋರ್ಟ್

ಐಟಿ ನಿಯಮಗಳ ಸೆಕ್ಷನ್ 4 (2) ರ ಪ್ರಕಾರ, ಚಾಟ್‌ಗಳನ್ನು ಪತ್ತೆಹಚ್ಚುವುದು ಮತ್ತು ಮೂಲಗಳನ್ನು ಗುರುತಿಸುವುದು. ಇದು ಬಳಕೆದಾರರ ಅಭಿವ್ಯಕ್ತಿ ಸ್ವಾತಂತ್ರ್ಯ ಮತ್ತು ಗೌಪ್ಯತೆಯನ್ನು ಉಲ್ಲಂಘಿಸುತ್ತದೆ ಮತ್ತು ಅಸಾಂವಿಧಾನಿಕವಾಗಿದೆ ಎಂದು ವಾದಿಸಲಾಗಿದೆ. ಸಾಮಾಜಿಕ ಮಾಧ್ಯಮ ಸಂಸ್ಥೆಗಳೊಂದಿಗೆ ಯಾವುದೇ ಸಮಾಲೋಚನೆ ನಡೆಸದೆ ಹೊಸ ನಿಯಮಾವಳಿಗಳನ್ನು ಪರಿಚಯಿಸಲಾಗಿದೆ ಎಂದು ಆಕ್ಷೇಪಿಸಲಾಗಿದೆ. ಇದರೊಂದಿಗೆ ನ್ಯಾಯಾಲಯ ಮಧ್ಯಪ್ರವೇಶಿಸಿ ಬೇರೆ ದೇಶಗಳಲ್ಲಿ ಇದೇ ರೀತಿಯ ಕಾನೂನುಗಳಿವೆಯೇ ಎಂದು ಪ್ರಶ್ನಿಸಿತು. ಇದಕ್ಕೆ ಉತ್ತರಿಸಿದ ಅರ್ಜಿದಾರರಪರ ವಕೀಲರ ಯಾವ ದೇಶದಲ್ಲೂ ಇಂತಹ ನಿಯಮಾವಳಿಗಳಿಲ್ಲ' ಎಂದು ತಿಳಿಸಿದರು. ವಾದ-ಪ್ರತಿವಾದಗಳ ನಂತರ ನ್ಯಾಯಾಲಯವು ವಿಚಾರಣೆಯನ್ನು ಆಗಸ್ಟ್ 14ಕ್ಕೆ ಮುಂದೂಡಿದೆ.