Nandini Products: ನಂದಿನಿಯ ಕ್ಷೀರೇತರ ಎನರ್ಜಿ ಡ್ರಿಂಕ್ಸ್ ಮಾರುಕಟ್ಟೆಗೆ ಬರಲು ಸಿದ್ದ

Nandini Product:ಮೊದಲ ಬಾರಿಗೆ ಕೆಎಂಎಫ್ ಎನರ್ಜಿ ಡ್ರಿಂಕ್ಸ್‌ನೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡಲು ಸಿದ್ಧವಾಗಿದೆ. ಪ್ರಾಯೋಗಿಕವಾಗಿ ಇದನ್ನು ಬೆಂಗಳೂರು ಮಾರುಕಟ್ಟೆಗೆ ಮೊದಲು ಪರಿಚಯಿಸಲು ನಿರ್ಧರಿಸಿದೆ. ಇದು ನಂದಿನಿಯ ಕ್ಷೀರೇತರ ಉತ್ಪನ್ನವಾಗಿದೆ.

ಹಾಲು ಮಾರುಕಟ್ಟೆಯಲ್ಲಿ ಘಟಾನುಘಟಿ ಬ್ರಾಂಡುಗಳಿಗೆ ಪೈಪೋಟಿ ಕೊಟ್ಟು ತನ್ನದೇ ಆದ ಹೆಸರನ್ನು 'ನಂದಿನಿ' ಗಳಿಸಿಕೊಂಡಿದೆ.

ಇದೀಗ ಕೆಎಂಎಫ್ ನಂದಿನಿ ಎನರ್ಜಿ ಡ್ರಿಂಕ್‌ಗಳನ್ನು ಪರಿಚಯಿಸಲು ಮುಂದಾಗಿದೆ. 200 ML ಬಾಟಲಿಯನ್ನು ಮಾರುಕಟ್ಟೆಗೆ ತರುತ್ತಿದೆ. ಇದಕ್ಕೆ 'ನಂದಿನಿ ಸ್ವಾಶ್' ಹಾಗೂ 'ನಂದಿನಿ ಬೌನ್ಸ್' ಎನ್ನುವ ಹೆಸರಿಡಲಾಗಿದೆ.

ಇದನ್ನು ವೆಸ್ಟ್ ಇಂಡೀಸ್ ಹಾಗೂ ಅಮೆರಿಕಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಡಿಸ್ಪ್ಲೇ ಮಾಡಲಾಗುತ್ತಿದ್ದು, ಆರಂಭಿಕವಾಗಿ ಬೆಂಗಳೂರು ಮಾರುಕಟ್ಟೆಗೆ ಬಿಡಲಿದೆ. ಇದರ ಬೆಲೆ 10 ರೂಪಾಯಿಯಂತೆ ನಿಗದಿ ಪಡಿಸಲಾಗಿದೆ. ಇದು ಇತರೆ ಕಾರ್ಪೋರೇಟ್ ಬ್ರಾಂಡ್ ಗಿಂತ ಆರೋಗ್ಯಕರ ತಂಪು ಪಾನೀಯ ಎಂದು ನಂದಿನಿ ಹೇಳಿಕೊಂಡಿದೆ.