5-Day Banking: ಬ್ಯಾಂಕ್‌ಗಳಲ್ಲಿ 5 ದಿನ ಕೆಲಸ: ಹಣಕಾಸು ಸಚಿವರಿಂದ ಮಹತ್ವದ ಹೇಳಿಕೆ; ವದಂತಿಗಳಿಗೆ ಗಮನ ಕೊಡಬೇಡಿ

IBA-Bank Union Pact: ಇತ್ತೀಚೆಗೆ ಕೆಲ ದಿನಗಳ ಹಿಂದೆ ಬ್ಯಾಂಕ್ ನೌಕರರು ವಾರದಲ್ಲಿ ಐದು ದಿನ ಕೆಲಸ ಮಾಡುತ್ತಾರೆ ಮತ್ತು ಪ್ರತಿ ಶನಿವಾರದ ರಜೆ ಇರುತ್ತದೆ ಎಂಬ ವರದಿಯೊಂದು ಬಂದಿತ್ತು. ಇದೀಗ ಈ ಮಾಹಿತಿ ಕುರಿತು ಸ್ಪಷ್ಟನೆಯೊಂದು ದೊರಕಿದೆ.

ಇದನ್ನೂ ಓದಿ: Asaduddin Owaisi On CAA: ಸಿಎಎ ಕುರಿತು ಓಬೈಸಿ ವಾಗ್ದಾಳಿ; 12 ಲಕ್ಷ ಹಿಂದೂಗಳು ಸೇಫ್‌, 1.5 ಲಕ್ಷ ಮುಸಲ್ಮಾನರ ಗತಿ ಏನು?

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇತ್ತೀಚೆಗೆ ಬ್ಯಾಂಕ್‌ಗಳಲ್ಲಿ 5 ದಿನಗಳ ಕೆಲಸದ ಕುರಿತು ಸ್ಪಷ್ಟನೆ ನೀಡಿದರು. ವಿತ್ತ ಸಚಿವ ಸೀತಾರಾಮನ್ ಮಾರ್ಚ್ 14 ರಂದು ಐಐಟಿ ಗುವಾಹಟಿಯಲ್ಲಿ ವಿಕಾಸ್ ಭಾರತ್ ರಾಯಭಾರಿ ಕ್ಯಾಂಪಸ್ ಸಂವಾದವನ್ನು ಉದ್ದೇಶಿಸಿ ಮಾತನಾಡುತ್ತಿದ್ದು, ಈ ಸಂದರ್ಭದಲ್ಲಿ ಬ್ಯಾಂಕ್ ಉದ್ಯೋಗಿಗಳ ಕೆಲಸ-ಜೀವನದ ಬ್ಯಾಲೆನ್ಸ್ ಕುರಿತು ಪ್ರಶ್ನೆ ಮಾಡಲಾಯಿತು. ಹಾಗೂ ಪ್ರತಿ ವಾರ 5 ದಿನ ಮಾತ್ರ ಕೆಲಸ ಮಾಡುವ ಬಗ್ಗೆ ಬಂದ ವರದಿ ಕುರಿತು ಪ್ರಶ್ನೆ ಕೇಳಲಾಯಿತು. ಇದಕ್ಕೆ ಪ್ರತಿಕ್ರಿಯಿಸಿದ ಹಣಕಾಸು ಸಚಿವರು, ವದಂತಿಗಳಿಗೆ ಗಮನ ಕೊಡಬೇಡಿ ಎಂದು ನೇರವಾಗಿ ಹೇಳಿದರು.

ಇದನ್ನೂ ಓದಿ: LIC Employees: ಎಲ್‌ಐಸಿ ನೌಕರರಿಗೆ ಕೇಂದ್ರ ಸರಕಾರದಿಂದ ಸಿಹಿ ಸುದ್ದಿ; ಸಂಬಳ ಹೆಚ್ಚಳ ಮಾಡಿ ಆದೇಶ

ಆದರೆ ಇದಕ್ಕೂ ಮುನ್ನ ಮಾರ್ಚ್ 8 ರಂದು, ಬ್ಯಾಂಕ್‌ಗಳ ಸಂಸ್ಥೆ ಇಂಡಿಯನ್ ಬ್ಯಾಂಕ್ಸ್ ಅಸೋಸಿಯೇಷನ್ ​​ಅಂದರೆ IBA ಮತ್ತು ವಿವಿಧ ಬ್ಯಾಂಕ್‌ಗಳ ನೌಕರರ ಒಕ್ಕೂಟಗಳ ನಡುವೆ ಒಪ್ಪಂದವನ್ನು ಮಾಡಿಕೊಳ್ಳಲಾಯಿತು. ಒಪ್ಪಂದದಲ್ಲಿ ಬ್ಯಾಂಕ್ ಉದ್ಯೋಗಿಗಳ ವೇತನ ಹೆಚ್ಚಳಕ್ಕೆ ಒಪ್ಪಿಗೆ ನೀಡಲಾಗಿದೆ. ಅದರ ನಂತರ, ವಿವಿಧ ಸರ್ಕಾರಿ ಬ್ಯಾಂಕ್‌ಗಳ ನೌಕರರ ವೇತನವು ಶೇಕಡಾ 17 ರಷ್ಟು ಹೆಚ್ಚಾಗಲಿದೆ. ವೇತನದ ಹೊರತಾಗಿ, ತುಟ್ಟಿಭತ್ಯೆ ಹೆಚ್ಚಳ ಸೇರಿದಂತೆ ಇತರ ಕೆಲವು ಪ್ರಯೋಜನಗಳ ಬಗ್ಗೆಯೂ ಚರ್ಚೆ ನಡೆದಿರುವ ಕುರಿತು ವರದಿಯಾಗಿತ್ತು.

ಆದರೆ, ಬ್ಯಾಂಕ್ ಉದ್ಯೋಗಿಗಳ ಹಳೆಯ ಬೇಡಿಕೆ ವಾರಕ್ಕೆ 5 ದಿನ ಮಾತ್ರ ಕೆಲಸ, ವಾರಕ್ಕೆ ಎರಡು ದಿನ ರಜೆ ನೀಡಬೇಕು ಎಂಬುದು ಬ್ಯಾಂಕ್ ನೌಕರರ ಬಹುದಿನಗಳ ಬೇಡಿಕೆ. ಪ್ರಸ್ತುತ, ಬ್ಯಾಂಕ್ ನೌಕರರು ಪ್ರತಿ ಭಾನುವಾರ ರಜೆ ಪಡೆಯುತ್ತಾರೆ, ಆದರೆ ಪ್ರತಿ ಶನಿವಾರ ಬ್ಯಾಂಕ್‌ಗಳು ಮುಚ್ಚುವುದಿಲ್ಲ. ತಿಂಗಳ ಮೊದಲ, ಮೂರನೇ ಮತ್ತು ಐದನೇ ಶನಿವಾರದಂದು ಬ್ಯಾಂಕ್‌ಗಳು ತೆರೆದಿರುತ್ತವೆ.

ಪ್ರಸ್ತುತ ಪ್ರತಿ ತಿಂಗಳ ಎರಡನೇ ಮತ್ತು ನಾಲ್ಕನೇ ಶನಿವಾರದಂದು ರಜೆ ಪಡೆಯುವ ರೀತಿಯಲ್ಲಿಯೇ ಬ್ಯಾಂಕ್ ನೌಕರರು ಸಹ ಮೊದಲ, ಮೂರು ಮತ್ತು ಐದನೇ ಶನಿವಾರದಂದು ರಜೆ ನೀಡುವಂತೆ ಒತ್ತಾಯಿಸುತ್ತಿದ್ದಾರೆ. ಬ್ಯಾಂಕ್ ಯೂನಿಯನ್ ಮತ್ತು ಅಸೋಸಿಯೇಷನ್ ​​ನಡುವಿನ ಒಪ್ಪಂದದ ನಂತರ, ಈಗ ಅದರ ಅನುಮೋದನೆ ಇನ್ನೂ ಹಣಕಾಸು ಸಚಿವಾಲಯದ ಅನುಮೋದನೆಗೆ ಬಾಕಿ ಇದೆ ಎಂದು ವರದಿಯಾಗಿದೆ. ಚುನಾವಣೆ ಘೋಷಣೆಗೂ ಮುನ್ನ ಹಣಕಾಸು ಸಚಿವಾಲಯದಿಂದ ಒಪ್ಪಿಗೆ ಸಿಗುವ ನಿರೀಕ್ಷೆ ಇತ್ತು. ಆದರೆ, ಇದುವರೆಗೂ ಅಂಥದ್ದೇನೂ ನಡೆದಿಲ್ಲ, ಸದ್ಯಕ್ಕೆ ಹಾಗಾಗುವುದಿಲ್ಲ ಎಂದು ಹಣಕಾಸು ಸಚಿವರು ಸ್ಪಷ್ಟ ಸೂಚನೆ ನೀಡಿದ್ದಾರೆ.