Virat Kohli: ವಿರಾಟ್ ಕೊಹ್ಲಿಯಿಂದ ಅಂಪೈರ್‌ಗೆ ಅವಮಾನ : ಅಸಲಿಗೆ ಅಂಪೈರ್‌ ಏನ್ ಮಾಡಿದ್ರು?

Virat Kohli: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ತಾಳ್ಮೆ ಕಳೆದುಕೊಂಡು, ಸಿಟ್ಟಿಗೆದ್ದು ಇದೀಗ ಅಂಪೈರ್‌ಗಳ ಮೇಲೆ ವಾಗ್ದಾಳಿ ನಡೆಸಿದ್ದಾರೆ.

ಐಪಿಎಲ್ 2024ರ ಸೀಸನ್‌ನ ಭಾಗವಾಗಿ ಭಾನುವಾರ ನಡೆದ ರೋಚಕ ಪಂದ್ಯದಲ್ಲಿ ಆರ್‌ಸಿಬಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಒಂದು ರನ್‌ನಿಂದ ಸೋತಿದೆ.

ಆದರೆ ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ವಿವಾದಾತ್ಮಕ ರೀತಿಯಲ್ಲಿ ಔಟಾಗಿದ್ದಾರೆ. ಕೊಹ್ಲಿ ಔಟಾದ ರೀತಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಕೋಲಾಹಲ ಎದ್ದಿದೆ. ಕೆಲವರು ಔಟ್ ಎಂದು ಕರೆದರೆ ಇನ್ನು ಕೆಲವರು ನಾಟೌಟ್ ಎಂದು ಅಂಪೈರ್‌ಗಳನ್ನು ಟೀಕಿಸುತ್ತಿದ್ದಾರೆ. ಇದೀಗ ಈ ಘಟನೆಯ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ.

ಅಸಲಿಗೆ ಏನಾಯಿತು?

ಆರ್‌ಸಿಬಿ ಇನಿಂಗ್ಸ್‌ನಲ್ಲಿ ಹರ್ಷಿತ್ ರಾಣಾ ಎಸೆದ ಮೂರನೇ ಓವರ್‌ನಲ್ಲಿ ವಿರಾಟ್ ಕೊಹ್ಲಿ (7 ಎಸೆತಗಳಲ್ಲಿ 18, 2 ಸಿಕ್ಸರ್) ರಿಟರ್ನ್ ಕ್ಯಾಚ್ ಆಗಿ ಹಿಂತಿರುಗಿದರು. ಈ ಬಾಲ್ ಹೈ ಫುಲ್ ಟಾಸ್ ಆಗಿ ಹೊಡೆದಾಗ ಕೊಹ್ಲಿ ಎದೆಗಿಂತ ಎತ್ತರಕ್ಕೆ ಬಂದಾಗ ಅವರು ಅದನ್ನು ಸಮರ್ಥಿಸಿಕೊಂಡರು. ಚೆಂಡು ಬ್ಯಾಟ್‌ನ ಅಂಚಿಗೆ ತಾಗಿ ಗಾಳಿಯಲ್ಲಿ ಮೇಲಕ್ಕೆ ಹೋಯಿತು ಆ ಚೆಂಡನ್ನು ಹರ್ಷಿತ್ ರಾಣಾ ಕ್ಯಾಚ್ ಹಿಡಿದರು. ಇದಕ್ಕೆ ಅಂಪೈರ್ ಗಳು ಔಟ್ ನೀಡಿದಾಗ, ಅಚ್ಚರಿ ವ್ಯಕ್ತಪಡಿಸಿದ ವಿರಾಟ್ ಕೊಹ್ಲಿ ರಿವ್ಯೂ ತೆಗೆದುಕೊಂಡರು.

ಆದರೆ, ಚೆಂಡು ಸೊಂಟದ ಎತ್ತರದಲ್ಲಿದ್ದು, ಕೊಹ್ಲಿ ಕ್ರೀಸ್‌ನಿಂದ ಹೊರಗಿದ್ದಾರೆ ಎಂದು ಮೂರನೇ ಅಂಪೈರ್ ತೀರ್ಪು ನೀಡಿದರು. ಈ ನಿರ್ಧಾರಕ್ಕೆ ಕೊಹ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮೈದಾನದಿಂದ ಹೊರಡುವಾಗ ತಾಳ್ಮೆ ಕಳೆದುಕೊಂಡ ಕೊಹ್ಲಿ ಅಂಪೈರ್ ಬಳಿ ಬಂದು ಆವೇಶದಿಂದ ಮಾತನಾಡಿದ್ದಾರೆ. ಈ ನಿರ್ಧಾರದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ವಿಭಿನ್ನ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ.

ಇದನ್ನೂ ಓದಿ: Health Care: ಕೈ, ಕಾಲುಗಳಲ್ಲಿ ಜುo ಕಟ್ಟೋದು ಇದೇ ಕಾರಣಕ್ಕೆ! ಇಲ್ಲಿದೆ ನೋಡಿ ಮೆಡಿಕಲ್ ಟಿಪ್ಸ್

ಮಾಜಿ ಕ್ರಿಕೆಟಿಗರಾದ ಅಂಬಟಿ ರಾಯುಡು, ನವಜೋತ್ ಸಿಂಗ್ ಸಿದ್ದು ಅಂಪೈರಿಂಗ್ ನಿರ್ಧಾರ ಕೆಟ್ಟದಾಗಿದೆ ಎಂದು ಟೀಕಿಸಿದ್ದರೆ, ಆದರೆ ಹರ್ಷ ಭೋಗೈ ಇರ್ಫಾನ್ ಪಠಾಣ್ ಅವರಂಥವರು ಇದು ಸರಿಯಾದ ನಿರ್ಧಾರ ಎಂದು ಅಭಿಪ್ರಾಯಪಟ್ಟಿದ್ದಾರೆ. ತಂತ್ರಜ್ಞಾನದಲ್ಲಿ ತಪ್ಪಿದೆ, ಇಷ್ಟು ಎತ್ತರದಲ್ಲಿ ಚೆಂಡು ಆಡುವುದು ಹೇಗೆ ಎಂದು ಅಭಿಮಾನಿಗಳು ಪ್ರಶ್ನಿಸುತ್ತಿದ್ದಾರೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಕೆಕೆಆ‌ರ್ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್‌ಗೆ 222 ರನ್ ಗಳಿಸಿತು. ಫಿಲ್ ಸಾಲ್ಟ್ (14 ಎಸೆತಗಳಲ್ಲಿ 7 ಬೌಂಡರಿ ಮತ್ತು 3 ಸಿಕ್ಸರ್ ಸಹಿತ 48) ಮತ್ತು ಆಂಡ್ರೆ ರಸೆಲ್ (20 ಎಸೆತಗಳಲ್ಲಿ 4 ಬೌಂಡರಿಗಳೊಂದಿಗೆ ಔಟಾಗದೆ 27) ಅದ್ಭುತ ಬ್ಯಾಟಿಂಗ್‌ ಪ್ರದರ್ಶನ ನೀಡಿದರು. ಶ್ರೇಯಸ್ ಅಯ್ಯರ್ (36 ಎಸೆತಗಳಲ್ಲಿ 7 ಬೌಂಡರಿ, 50 ಸಿಕ್ಸರ್) ಅರ್ಧಶತಕದೊಂದಿಗೆ ಮಿಂಚಿದರು. ಇನ್ನು ರಮಣದೀಪ್ ಸಿಂಗ್ (9 ಎಸೆತಗಳಲ್ಲಿ 2 ಬೌಂಡರಿ, 2 ಸಿಕ್ಸರ್ ಸಹಿತ 24) ಮಿಂಚಿದರು.

ಆರ್‌ಸಿಬಿ ಬೌಲರ್‌ಗಳ ಪೈಕಿ ಯಶ್ ದಯಾಳ್ (2/56) ಮತ್ತು ಕ್ಯಾಮೆರಾನ್ ಗ್ರೀನ್ (2/35) ಮೊಹಮ್ಮದ್ ಸಿರಾಜ್ (1/40) ಮತ್ತು ಲಕ್ಕಿ ಫರ್ಗುಸನ್ (1/47) ವಿಕೆಟ್ ಪಡೆದರು.

ನಂತರ ಗುರಿ ಬೆನ್ನತ್ತಿದ ಆರ್‌ಸಿಬಿ ನಿಗದಿತ 20 ಓವರ್‌ಗಳಲ್ಲಿ 221 ರನ್‌ಗಳಿಗೆ ಆಲೌಟಾಯಿತು. ವಿಲ್ ಜಾಕ್ಸ್ (32 ಎಸೆತಗಳಲ್ಲಿ 4 ಬೌಂಡರಿ, 5 ಸಿಕ್ಸರ್ ಸಹಿತ 55) ಮತ್ತು ರಜತ್ ಪಾಟಿದಾರ್ (23 ಎಸೆತಗಳಲ್ಲಿ 3 ಬೌಂಡರಿ, 5 ಸಿಕ್ಸರ್ ಸಹಿತ 52) ಅರ್ಧಶತಕದೊಂದಿಗೆ ಮಿಂಚಿದರು. ದಿನೇಶ್ ಕಾರ್ತಿಕ್ (18 ಎಸೆತಗಳಲ್ಲಿ 3 ಬೌಂಡರಿ ಸಹಿತ 24) ಮತ್ತು ಕರ್ಣ್ ಶರ್ಮಾ (7 ಎಸೆತಗಳಲ್ಲಿ 3 ಸಿಕ್ಸರ್ ಸಹಿತ 20) ಮಿಂಚಿದರು.

ಇದನ್ನೂ ಓದಿ: UGC NET: ಯುಜಿಸಿ ನೆಟ್ 2024 ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ನೋಟಿಫಿಕೇಶನ್‌ ಬಿಡುಗಡೆ, ಇಲ್ಲಿದೆ ನೋಡಿ ಲಿಂಕ್ ಮತ್ತು ವೇಳಾಪಟ್ಟಿ