Muslim Women: ಇನ್ಮುಂದೆ ಮಹಿಳೆಯರಿಗೂ ಮಸೀದಿ ಪ್ರವೇಶ - ಹೈಕೋರ್ಟ್ ನಿಂದ ಬಂತು ಮಹತ್ವದ ತೀರ್ಪು!!

‍Muslim Women: ದೇವರ ಮುಂದೆ ಎಲ್ಲಾ ಪುರುಷರು ಮತ್ತು ಮಹಿಳೆಯರು ಸಮಾನರು ಮತ್ತು ದೇವರಿಗೆ ಲಿಂಗ ತಾರತಮ್ಯವಿಲ್ಲವೆಂದು, ತೆಲಂಗಾಣ ಹೈಕೋರ್ಟ್ ಮಹಿಳೆಯರಿಗೆ (Muslim Women) ಮಸೀದಿಗಳಿಗೆ ಪ್ರವೇಶಿಸಲು ಅವಕಾಶ ನೀಡಬೇಕು ಎಂದು ಹೇಳಿದೆ. ಹೌದು, ತೆಲಂಗಾಣದ ರಾಜಧಾನಿ ದಾರುಲ್‌ಶಿಫಾದಲ್ಲಿರುವ ಇಬಾದತ್ಖಾನಾದಲ್ಲಿ ಅಕ್ಬರಿ ಪಂಗಡ ಸೇರಿದಂತೆ ಎಲ್ಲ ಶಿಯಾ ಮುಸ್ಲಿಂ ಮಹಿಳೆಯರಿಗೆ ಪ್ರವೇಶ ಕಲ್ಪಿಸಬೇಕು ಎಂದು ಹೈಕೋರ್ಟ್ ಆದೇಶ ನೀಡಿದೆ.

ಅಂಜುಮನ್-ಎ-ಅಲವಿ ಮತ್ತು ಶಿಯಾ ಇಮಾಮಿಯಾ ಇಟ್ನಾಸರಿ ಅಕ್ಬರಿ ಸೊಸೈಟಿಯ ನಾಯಕಿ ಅಸ್ಮಾ ಫಾತಿಮಾ ಅವರು ಇಬಾದತ್ಖಾನಾದಲ್ಲಿ ಶಿಯಾ ಮಹಿಳೆಯರಿಗೆ ಅವಕಾಶ ನೀಡದಿರುವುದನ್ನ ಪ್ರಶ್ನಿಸಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದರು.
ಈ ಅರ್ಜಿಯ ವಿಚಾರಣೆಯನ್ನು ನ್ಯಾಯಮೂರ್ತಿ ಭೀಮಪಾಕ ನಾಗೇಶ್ ಅವರಿದ್ದ ಪೀಠ ಕೈಗೆತ್ತಿಕೊಂಡಿತು.

ನಂತರ ತೆಲಂಗಾಣ ಹೈಕೋರ್ಟ್ ಇತ್ತೀಚೆಗೆ ಈ ವಿಚಾರಣೆಯ ಸಮಯದಲ್ಲಿ ಮಹಿಳೆಯರಿಗೆ ಮಸೀದಿಗಳಿಗೆ ಪ್ರವೇಶಿಸಲು ಅವಕಾಶ ನೀಡಬೇಕು ಎಂದು ಹೇಳಿದೆ. ಪ್ರಾರ್ಥನಾ ಸ್ಥಳಗಳಲ್ಲಿ ಲಿಂಗ ತಾರತಮ್ಯ ಇರಬಾರದು ಮತ್ತು ದೇವರ ಮುಂದೆ ಎಲ್ಲಾ ಪುರುಷರು ಮತ್ತು ಮಹಿಳೆಯರು ಸಮಾನರು ಎಂದು ರಾಜ್ಯ ಹೈಕೋರ್ಟ್ ಹೇಳಿದೆ.
ಮಸೀದಿಗಳು ಮತ್ತು ಇತರ ಪೂಜಾ ಸ್ಥಳಗಳಿಗೆ ಶಿಯಾ ಮಹಿಳೆಯರಿಗೆ ಪ್ರವೇಶಿಸಲು ಅದು ಸೋಮವಾರ ಮಧ್ಯಂತರ ಆದೇಶವನ್ನ ನೀಡಿದೆ. ವಕ್ಫ್ ಬೋರ್ಡ್ ಸೇರಿದಂತೆ ಇತರ ಪ್ರತಿವಾದಿಗಳಿಗೆ ಮಹಿಳೆಯರಿಗೆ ಅವಕಾಶ ನೀಡದಿರಲು ಕಾರಣಗಳನ್ನ ವಿವರಿಸಿ ಕೌಂಟರ್ ಸಲ್ಲಿಸುವಂತೆ ಸೂಚಿಸಿ ವಿಚಾರಣೆಯನ್ನ ನಾಲ್ಕು ವಾರಗಳ ಕಾಲ ಮುಂದೂಡಿತು.

ಶನಿ ಸಿಂಗನಾಪುರ, ಹಾಜಿ ಅಲಿ ದರ್ಗಾ ಮತ್ತು ಶಬರಿಮಲೆ ದೇವಸ್ಥಾನಕ್ಕೆ ಮಹಿಳೆಯರಿಗೆ ಪ್ರವೇಶ ನೀಡುವಂತೆ ನ್ಯಾಯಾಲಯಗಳು ನೀಡಿದ ಸರಣಿ ತೀರ್ಪುಗಳಲ್ಲಿ, ರಾಜ್ಯ ಹೈಕೋರ್ಟ್ ಮುಸ್ಲಿಂ ಮಹಿಳೆಯರಿಗೆ ಸಂವೇದನಾಶೀಲ ತೀರ್ಪು ನೀಡಿದೆ. ಸೋಮವಾರ, ವಕ್ಫ್ ಮಂಡಳಿಗೆ ಮಸೀದಿಗಳು, ಸಭೆಗಳು ಮತ್ತು ಪ್ರಾರ್ಥನಾ ಮಂದಿರಗಳಲ್ಲಿ ಮಹಿಳೆಯರಿಗೆ ಅವಕಾಶ ನೀಡುವಂತೆ ಮಧ್ಯಂತರ ಆದೇಶ ಹೊರಡಿಸಿದೆ.

ಇದನ್ನು ಓದಿ: Parliment Attack: ಇವರೇ ನೋಡಿ ಸಂಸತ್ತಿನ ಮೇಲೆ ಅಟ್ಯಾಕ್ ಮಾಡಿದವರು !!

ಮಹಿಳೆಯರು ಪುರುಷರಿಗಿಂತ ಕೀಳಲ್ಲ ಎಂದು ನಂಬಲಾಗಿದೆ. ಮಹಿಳೆ ಪುರುಷನಿಗಿಂತ ಹೇಗೆ ಕಡಿಮೆ ಆಗುತ್ತಾಳೆ ಎಂದು ನ್ಯಾಯಪೀಠ ಕೇಳಿದೆ. ಮಹಿಳೆಯನ್ನು ಪುರುಷನಿಗಿಂತ ಕೀಳು ಎಂದು ಪರಿಗಣಿಸಿದರೆ, ಜನ್ಮ ನೀಡಿದ ತಾಯಿಯೂ ಮಹಿಳೆಯಲ್ಲವೇ.? ಎಂದು ನ್ಯಾಯಾಲಯವು ಹೇಳಿದೆ. ಆದರೆ ನಿರ್ದಿಷ್ಟ ದಿನಗಳನ್ನು ಹೊರತುಪಡಿಸಿ ಮಹಿಳೆಯರು ಮುಕ್ತವಾಗಿ ಪ್ರಾರ್ಥನಾ ಸ್ಥಳಗಳಿಗೆ ತೆರಳಿ ಪ್ರಾರ್ಥನೆ ಸಲ್ಲಿಸಬಹುದು ಎಂದು ಸ್ಪಷ್ಟಪಡಿಸಲಾಗಿದೆ. ಈ ನಿಟ್ಟಿನಲ್ಲಿ ಹೈಕೋರ್ಟ್ ನ್ಯಾಯಮೂರ್ತಿ ನಾಗೇಶ ಭೀಮಪಾಕ ಸೋಮವಾರ ಮಧ್ಯಂತರ ಆದೇಶ ಹೊರಡಿಸಿದ್ದಾರೆ.