startup: ಸ್ಟಾರ್ಟಪ್ ಗಳಿಗೆ ಕೇಂದ್ರದಿಂದ 50 ಲಕ್ಷ ನೆರವು!! ಅಪ್ಲೈ ಮಾಡುವುದು

startup:ನಿಮಗೆ ಹಣಕಾಸಿನ ನೆರವು ಬೇಕೇ? ಹಾಗಿದ್ದರೆ ಕೇಂದ್ರ ನಿಮಗೆ ಸಹಾಯ ಮಾಡಲು ಸಿದ್ಧವಿದೆ. ಆ ಹಣ ಬಳಸಿಕೊಂಡು ಏನು ಮಾಡ್ತೀರಿ ಅಂತ ಹೇಳಬೇಕು. ನೀವು ಹೇಳುವುದು ಕೇಂದ್ರಕ್ಕೆ ಇಷ್ಟವಾದರೆ ತಕ್ಷಣ ಹಣ ನೀಡುತ್ತದೆ.

ಸ್ಟಾರ್ಟಪ್ ಇಂಡಿಯಾ ಸೀಡ್ ಫಂಡ್ ಸ್ಕೀಮ್ 2024. ಈ ಯೋಜನೆಯಡಿ ಸರಕಾರ ನಿಮಗೆ ಹಣ ನೀಡಲಿದೆ. ಇದು ಮಹತ್ವಾಕಾಂಕ್ಷಿ ಉದ್ಯಮಿಗಳಿಗಾಗಿ ಕೇಂದ್ರದಿಂದ ನೀಡಲಾದ ನಿಧಿಯಾಗಿದೆ. ಇದರ ಮುಖ್ಯ ಉದ್ದೇಶ ಸ್ಟಾರ್ಟ್‌ಅಪ್‌ಗಳನ್ನು ಉತ್ತೇಜಿಸಲು ಹಣವನ್ನು ನೀಡುವುದಾಗಿದೆ. ಈ ಯೋಜನೆಯನ್ನು ಕೇಂದ್ರವು ಜನವರಿ 16, 2016 ರಂದು ಪ್ರಾರಂಭಿಸಿತು. ಇದಕ್ಕಾಗಿ 945 ಕೋಟಿ ರೂಪಾಯಿ ಮೀಸಲಿಟ್ಟಿದೆ. ಈ ಹಣವನ್ನು ಕೇಂದ್ರವು ಇನ್ ಕ್ಯುಬೇಟರ್ ಗಳಿಗೆ ನೀಡಲಿದೆ. ಇನ್ಕ್ಯುಬೇಟರ್ ಈ ಹಣವನ್ನು ಸ್ಟಾರ್ಟ್‌ಅಪ್‌ಗಳಿಗೆ ನೀಡುತ್ತದೆ.

ಆರಂಭಿಕವಾಗಿ ಹೂಡಿಕೆ ಮಾಡುವವರು ಈ ಹಣವನ್ನು ತಮ್ಮ ಪುರಾವೆಗಾಗಿ ಬಳಸಿಕೊಳ್ಳಬಹುದು. ಮೂಲ ಮಾದರಿಯನ್ನು ಸಹ ಅಭಿವೃದ್ಧಿಪಡಿಸಬಹುದು. ನೀವು ಉತ್ಪನ್ನವನ್ನು ತಯಾರಿಸಿ ಮಾರುಕಟ್ಟೆಯನ್ನು ಪ್ರವೇಶಿಸಬಹುದು. 4 ವರ್ಷಗಳಲ್ಲಿ ಒಟ್ಟು 300 ಇನ್ಕ್ಯುಬೇಟರ್‌ಗಳು ಮತ್ತು 3600 ಸ್ಟಾರ್ಟ್‌ಅಪ್‌ಗಳನ್ನು ಪ್ರಾರಂಭ ಮಾಡಲಾಗಿದೆ.

ಹಣ ಪಡೆಯುವುದು ಹೇಗೆ

ಸ್ಟಾರ್ಟಪ್ ಆರಂಭ ಮಾಡುವವರು ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಗಳಿಗೆ ತೆರಳಿ ತಮ್ಮ ವ್ಯವಹಾರದ ಬಗ್ಗೆ ತಿಳಿಸಿ ಹಣ ಪಡೆಯಬಹುದು. ಇದಕ್ಕಾಗಿ ಅವರು ಅಧಿಕೃತ ವೆಬ್‌ಸೈಟ್‌ನಲ್ಲಿ ( https://seedfund.startupindia.gov.in ) ಈ ಯೋಜನೆಗೆ ಅರ್ಜಿ ಹಾಕಬೇಕು. ಈ ಹಣವನ್ನು ಕೇಂದ್ರ ಸರ್ಕಾರ ತಕ್ಷಣವೇ ಖಾತರಿಪಡಿಸುತ್ತದೆ. ನೀವು ವೆಬ್‌ಸೈಟ್‌ನಲ್ಲಿ ಅರ್ಜಿ ಹಾಕಿದ ನಂತರ,ನಿಮ್ಮ ಫೈಲ್ ಅನ್ನು ತಜ್ಞರ ಸಲಹಾ ಸಮಿತಿ ಪರಿಶೀಲನೆ ನಡೆಸುತ್ತದೆ. ಈ ಸಮಿತಿಯು ಇನ್ಕ್ಯುಬೇಟರ್ ನಿಮಗೆ ಎಷ್ಟು ಹಣವನ್ನು ನೀಡಬಹುದು ಎಂದು ನಿರ್ಧಾರ ಮಾಡುತ್ತದೆ. ನಂತರ ಅದನ್ನು ಹೇಗೆ ನೀಡಬೇಕೆಂದು ವಿವರಿಸುತ್ತದೆ.

ಇಎಸಿಯು ಪ್ರತಿ ಇನ್ಕ್ಯುಬೇಟರ್‌ಗೆ ರೂ.5 ಕೋಟಿ ನೀಡುತ್ತದೆ. ಈ ಹಣವನ್ನು 3 ಕಂತುಗಳಲ್ಲಿ ನೀಡಲಾಗುವುದು. ಇನ್ಕ್ಯುಬೇಟರ್ ಗಳು ಹಣವನ್ನು ಅರ್ಹ ಸ್ಟಾರ್ಟ್‌ಅಪ್‌ಗಳಿಗೆ ನೆರವು ನೀಡುತ್ತದೆ. ಯಾವ ಸ್ಟಾರ್ಟ್‌ಅಪ್‌ಗೆ ಎಷ್ಟು ಹಣವನ್ನು ನೀಡಬೇಕು ಎಂಬುದನ್ನು EAC ನಿರ್ಧಾರ ಮಾಡುತ್ತದೆ. ಅರ್ಜಿ ಸಲ್ಲಿಸಿದ 45 ದಿನಗಳಲ್ಲಿ ಹಣವನ್ನು ನೀಡಲಾಗುತ್ತದೆಯೇ, ಇಲ್ಲವೇ ಎಂಬ ಮಾಹಿತಿಯನ್ನು ಇಮೇಲ್ ಮೂಲಕ ತಿಳಿಸುತ್ತಾರೆ. ಮೊದಲು ಅನುಗುಣವಾಗಿ ರೂ.20 ಲಕ್ಷ ಅಥವಾ ರೂ.50 ಲಕ್ಷ ನೀಡಲಾಗುತ್ತದೆ. ಅರ್ಜಿ ಸಲ್ಲಿಸಿದ ಕನಿಷ್ಟ 60 ದಿನಗಳಲ್ಲಿ ಮೊದಲ ಕಂತಿನ ಹಣ ನೀಡಲಾಗುವುದು.

ಅರ್ಹತೆಗಳೇನು

ಅಪ್ಲಿಕೇಶನ್‌ನ ಹಾಕುವ ಸಂದರ್ಭದಲ್ಲಿ ಕಂಪನಿಯು ಪ್ರಾರಂಭವು 2 ವರ್ಷಗಳಿಗಿಂತ ಹೆಚ್ಚು ಹಳೆಯದಾಗಿರಬಾರದು. ಸ್ಟಾರ್ಟ್‌ಅಪ್‌ನಲ್ಲಿ ಭಾರತೀಯರ ಪಾಲು ಕನಿಷ್ಠ 51 ಪ್ರತಿಶತ ಇರಬೇಕಾಗುತ್ತದೆ. ಈ ಸ್ಟಾರ್ಟಪ್ ವಿವಿಧ ಕೇಂದ್ರ ಯೋಜನೆಗಳಿಂದ ರೂ.10 ಲಕ್ಷಕ್ಕಿಂತ ಹೆಚ್ಚಿನ ಆರ್ಥಿಕ ಸಹಾಯ ಪಡೆದಿರಬಾರದು.

ಅಗತ್ಯವಿರುವ ದಾಖಲೆಗಳು

ಆಧಾರ್, ಜಿಎಸ್‌ಟಿ ಸಂಖ್ಯೆ, ಬ್ಯಾಂಕ್ ಖಾತೆ ವಿವರಗಳು, ಗುತ್ತಿಗೆ ಒಪ್ಪಂದ, ವಿವರವಾದ ಯೋಜನಾ ವರದಿ (ಡಿಪಿಆರ್), ಪಾಸ್‌ಪೋರ್ಟ್ ಗಾತ್ರದ ಭಾವಚಿತ್ರ, ಮೊಬೈಲ್ ಸಂಖ್ಯೆ ಇಷ್ಟು ಇದ್ದರೇ ಸಾಕು.

ಅರ್ಜಿ ಸಲ್ಲಿಸುವುದು ಹೇಗೆ

ಅಧಿಕೃತ ವೆಬ್‌ಸೈಟ್‌ಗೆ ಹೋಗಿ ( https://seedfund.startupindia.gov.in ). ಮುಖಪುಟದಲ್ಲಿ ಈಗ ಅಪ್ಲೈ ಯನ್ನು ಕ್ಲಿಕ್ ಮಾಡಿ. ನಂತರ ಪ್ರಾರಂಭ ವಿಭಾಗದಲ್ಲಿ ಈಗ ಅಪ್ಲೈ ಕ್ಲಿಕ್ ಮಾಡಿ. ನಂತರ ಅರ್ಜಿ ನಮೂನೆ ತೆರೆದುಕೊಳ್ಳುತ್ತದೆ. ಅದರಲ್ಲಿ ಹೆಸರು, ಮೊಬೈಲ್ ಸಂಖ್ಯೆ, ಆಧಾರ್ ಸಂಖ್ಯೆ, ಇಮೇಲ್ ಮುಂತಾದ ವಿವರಗಳನ್ನು ಹಾಕಬೇಕು. ನಂತರ ವಿನಂತಿಸಿದ ದಾಖಲೆಗಳ ಪ್ರತಿಗಳನ್ನು ಅಪ್ಲೋಡ್ ಮಾಡಿ. ನಂತರ ಸಲ್ಲಿಸಿ. ಬಳಿಕ ನಿಮಗೆ ಯಾವುದೇ ಮಾಹಿತಿಯನ್ನು ಹಾಗೂ ಅಪ್ಡೇಟ್ ಗಳನ್ನು ನಿಮ್ಮ ಇ-ಮೇಲ್‌ಗೆ ಕಳುಹಿಸಲಾಗುತ್ತದೆ.

ಇದನ್ನೂ ಓದಿ : ಗೃಹಲಕ್ಷ್ಮೀ ಸೌಲಭ್ಯ ತಿರಸ್ಕರಿಸಿದ ಮಹಿಳೆಯರು,ಉತ್ತರ ಕನ್ನಡದಲ್ಲಿ ಯೋಜನೆ ಬಗ್ಗೆ ನಿರಾಸಕ್ತಿ